YERGA ISHLOV BERISHNI SASSIQ KOVRAK (F. FOETIDA L.)NING ILDIZ TIZIMIGA TA’SIRI

Abstract

Ushbu maqolada O‘zbekiston florasida qimmatli dorivor va sanoat o‘simligi bo‘lgan sassiq kovrak (Ferula foetida L.)ning madaniy plantatsiyalarda yetishtirilishi o‘rganilgan. Tadqiqotning maqsadi tuproqni sifatli shudgorlash (haydash) usulining uch yillik o‘simliklarning ildiz tizimi morfologiyasiga ta’sirini aniqlashdan iborat. Nurobod tumanining adir mintaqasida olib borilgan dala tajribalarida nazorat (shudgorsiz) va shudgorlangan variantlar qiyoslanadi. Natijalar shuni ko‘rsatdiki, shudgorlangan tuproqda ildizning umumiy uzunligi (69,5%), tuganak uzunligi (27,9%) va diametri (29,7%) ishonchli darajada oshgan. Xulosa qilib aytganda, shudgorlash ildiz tizimining yaxshi rivojlanishini, shu orqali o‘simlikning fiziologik faolligi va smola mahsuldorligini oshirish imkonini beruvchi asosiy agrotexnologik tadbirdir.